Segðu af þér frú ráðherra ..... Svandís niðurrifssinni

Almáttugur - Segðu af þér áður en sveitafélögin fara í mál því jú það verður lítið mál þar sem ÞÚ BRAUST LÖG - SKILUR ÞÚ ÞAÐ EKKI SVANDÍS EINRÆÐISHERRA.

Svandís segir ekki af sér

samhugur með lögreglumönnum

Ég get ekki að því gert að ég vorkenni lögreglumönnunum að standa í þessu.  Reiðin beinist gagnvart þeim líka virðist vera en þetta er fólk eins og við.

Mikið er ég fegin að enginn í minni fjölskyldu er lögreglumaður.

 

Sprengjum kastað að lögreglu

Allir strákarnir.

Ég hefði svo gjarnan viljað sjá allt liðið verða valið þó ég sé mjög ánægt með að Ólafur Stéfánsson hlyti hnossið.  Ég var líka ánægð að heyra hann segja að þeir hefðu allir átt skilið vinna titilinn og hann væri bara hluti af frábæru liði. 

Ólafur Stefánsson íþróttamaður ársins 2008

Og hvað?

Mér finnst undarlegt ábyrgðarleysið þegar talað er um kosningar strax á næsta ári.  Ég styð ekki ríkistjórnina neitt frekar en aðrir og ég kaus hvorugan flokkinn í síðustu kosningum.  En þeir voru kosnir og áttu þeir þá bara að vera ef Ísland væri í góðum málum.  Við kusum þessa menn til þess að sigla með okkur næstu fjögur árin hvort sem það væru erfiðleikar eða allt í lukkunar vel standi.

Mér finnst undarleg umræðan um kosningar, kosningar kosta fullt af peningum fyrir utan það að allt væri sett í biðstöðu á meðan kosningaslagurinn færi fram.  Við þurfum allra síst á því að halda.

 

31,6% stuðningur við stjórnina

pólistískar ráðningar???????

Stjórnarandstaðan hefði átt að tala meira um pólitískar ráðningar og hvers konar spilling er með stjórnaliðum.  Þeir eru jafn fljótir og aðrir þingmenn að hlaupa með tunguna úti þegar þeim er boðið í partíið með meiri hlutanum .

Ný bankaráð skipuð

Starfsöryggi.

Á þessum síðustu og verstu tímum þakka ég fyrir að ég er nokkuð örugg í starfi þar sem ég er kennari.  Það er ólíklegt að við kennarar verðum reknir enda er það undirstöðuatriði að mennta unga fólkið.  Ég sem kennari hef svo sannarlega komist í tæri við áhyggjur fjölskyldna vegna kreppunnar og ef ég á að vera heinskilin þá finn ég til samhugar með fjölskyldum þessara barna sem eiga í hlut. 

Ég hef því miður enga trú á að stjórnarliðar séu á réttri braut án þess að hafa hugmynd um hvað sé rétt.  Hins vegar finnst mér komið fram við mig eins og ég sé hálviti.  Auglýsingar þar sem fólk haldast í hendur og minnir á mikilvægi fjölskyldunnar.  Ég hef alltaf sett fjölskylduna í forgang, var heima með hverju barni að minnsta kosti tvö ár og vann svo hlutavinnu svo börnin mín kæmi aldrei að tómu húsi þegar þau kæmu heim úr skóla heldur mamma eða pabbi tæki á móti og hlustuðu á atburði dagsins beint í æð. 

Ég ef ekki eitt um efni fram heldur keypti jörðina og húsið vegna þess að ég var sannfærð að það væri það besta fyrir börnin mín, búa í sveit, vera í snertingu við náttúruna og þykja vænt um hana.  Eiga hesta, vera úti, eiga áhugamál með börnunum og fylgja því eftir.  Ég vann aldrei fulla vinnu, minni peningar - meiri tími með börnum.  Það er fullt af fólki sem gerði hlutina svona.  En núna fáum við, börnin okkar og barnabörn að borga brúsann fyrir peningasukkarana,,, úff.  Þeir kunna ekki einu sinni að skammast sín heldur eru sendar auglýsingar um eitthvað sem 95% af þjóðinni veit en margir hafa ekki haft efni á, sérstaklega ekki núna því nú þurfa allir aukavinnu til þess að borga brúsann.

 Ég myndi kannski nota svona sálfræði þar sem ég teldi að greindarvísitalan sé langt undir meðallagi og það er akkúrat það sem þeir halda sem búa til þessar auglýsingar þar sem allir haldast í hendur og okkur er sagt að elska náungann,,  og kannski ekki skrítið því það var hægt að ljúga að öllum að allt væri í fínu lagi þar til mánudaginn góða þegar allt hrundi og allir voru jafn hissa.  Hvort sem það voru þeir sem týndu peningunum okkar, eyddu þeim, áttu að hafa eftirlit með þeim og leiðseigja okkur hinum bjánunum, ríkisvaldið, bankastjórarnir o.fl. 

Ég samþykki nú eiginlega ekki að ég þurfi að borga sukkið sem almennur borgari sem ekki sukkaði. Ef ríkið tók yfir þarf það að leita þeirra sem þar inn skulda en ekki til okkar hinna sem hafa staðið okkur í stykkinu og vorum ekki með.

Hægt er að líkja þessu við lítið sveitafélag þar sem hreppsnefndnin ákveður að nota alla innkomu í peningabréf, eða hlutabréf.  Á meðan þeir græða láta þeir okkur ekki vita um neitt heldur segja að sveitafélagið sé í góðum málum og við þegnarnir þurfum engar áhyggjur að hafa.  Svo hrynur kerfið og þá kemur, sorrý, sáum þekka ekki fyrir en þið borgið..  Frekar illa rekið fyrirtæki eða hvað.  

Ég ætla svo sannarlega að leita í fjölskylduna mína sem fyrr og eiga yndislega mánuði framundan og yndisleg jól, þar sem ást og umhyggja ráða ríkjum.  Ég á líka fjölskyldu í kringum mig sem ég get leitað til,,,, en hvað eru það margir sem það ekki geta?  Margir- margir og guð hjálpi þeim. 

Ég gef hins vegar skít í stjórnvöld og stjórnarandstöðu þar sem allir þar ota sínum eigin tota og reyna að koma sjálfum sér framfæri en gefa algeran skít, og þá meina ég algeran skít í almúgann ennþá.  Ég hef ekki enn séð að þeir séu að efna nein loforð og fegin er ég að búa ekki með slíkum siðblindum lygurum.

 Eitt að lokum:  Pabbi minn kenndi mér þetta og ég hef haft þetta að leiðarljósi í uppeldi hjá mínum börnum: 

HEIÐARLEIKI Í SMÁATRIÐUM   - ER EKKI SMÁATRIÐI.   Og hana nú........................................

Lögregluríki????

Ég, eins og flestir Íslendingar horfði á fréttir stöðvar 2 og ríkissjónvarpsins í gærkveldi þar sem lögreglan var að reyna að leysa upp mótmæli atvinnubílstjóra.

Ég hef verið hlynnt mótmælum bílstjóra frá upphafi en skipti um skoðun í gær.  Ég gat ekki betur séð í fréttum ríkissjónvarpsins en að bílsjórar efndu til óláta með því að kaupa sér úðabrúsa til þess að sprauta á lögregluna, áður en piparúðar voru komnir á loft og kölluðu á fólk að koma og mótmæla því lögreglan næði ALDREI að handtaka alla.  Þetta voru sömu menn og komu fram í viðtölum og skildu bara ekkert í þessum látum lögreglunnar.  Ég átti eiginlega ekki orð.

Við verðum að athuga það að lögreglan er hér til þess að halda uppi lögum í landinu og lög voru brotin í gær.  Fólk henti grjóti og eggjum að lögreglu, er það virðing???  Ég held að ekki.  Ég dauðvorkenndi þessum lögreglumönnum sem stóðu í þessu ekki síst þegar múgur og margmenni komu þarna bara til þess að vera með læti og leiðindi.  Með fullri virðingu fannst mér þessar aðgerðir í gær ekki vera bílstjórum til framdráttar og nú held ég að það sé mál að linni og fólk setjist niður eins og fullorðið fólk en hagi sér ekki eins og þeir séu í einhverjum sandkassaleik.  Þetta er jú grafalvarlegt mál þegar fólk er farið að hvetja til mótmæla og að hvetja fólk til þess að fara EKKI eftir fyrirmælum lögreglu.