Lögregluríki????

Ég, eins og flestir Íslendingar horfði á fréttir stöðvar 2 og ríkissjónvarpsins í gærkveldi þar sem lögreglan var að reyna að leysa upp mótmæli atvinnubílstjóra.

Ég hef verið hlynnt mótmælum bílstjóra frá upphafi en skipti um skoðun í gær.  Ég gat ekki betur séð í fréttum ríkissjónvarpsins en að bílsjórar efndu til óláta með því að kaupa sér úðabrúsa til þess að sprauta á lögregluna, áður en piparúðar voru komnir á loft og kölluðu á fólk að koma og mótmæla því lögreglan næði ALDREI að handtaka alla.  Þetta voru sömu menn og komu fram í viðtölum og skildu bara ekkert í þessum látum lögreglunnar.  Ég átti eiginlega ekki orð.

Við verðum að athuga það að lögreglan er hér til þess að halda uppi lögum í landinu og lög voru brotin í gær.  Fólk henti grjóti og eggjum að lögreglu, er það virðing???  Ég held að ekki.  Ég dauðvorkenndi þessum lögreglumönnum sem stóðu í þessu ekki síst þegar múgur og margmenni komu þarna bara til þess að vera með læti og leiðindi.  Með fullri virðingu fannst mér þessar aðgerðir í gær ekki vera bílstjórum til framdráttar og nú held ég að það sé mál að linni og fólk setjist niður eins og fullorðið fólk en hagi sér ekki eins og þeir séu í einhverjum sandkassaleik.  Þetta er jú grafalvarlegt mál þegar fólk er farið að hvetja til mótmæla og að hvetja fólk til þess að fara EKKI eftir fyrirmælum lögreglu.

Athugasemdir

[Brynjar Jóhannsson, 24.4.2008 kl. 09:50]

Ég er sammála þér að mér fannst  þeir ögra lögreglunni full mikið í upphafi og hefðu átt að fara eftir fyrirmælum lögreglunar í einu og öllu ... En sjáðu þetta. Hérna

Ég veit ekki hvað þér finnst... en þetta eru hrein og klár brot á stjórnaskrá því menn mega vera fyrir innan stjórnborða og mótmæla.. Þannig að mér þykir lögreglan eiga sína sök á máli 

[Brynjar Jóhannsson, 24.4.2008 kl. 09:51]

Innan mótmælaborða.. ætlaði ég að segja..

[Þröstur Halldórsson (IP-tala skráð) 24.4.2008 kl. 09:57]

Haldið þið gott fólk að það hafi verið tilviljun að þessar aðgerðir hafa verið gerðar eftir mótmælin af trukkamönnum við Bessastaðaafleggjara kvöldið áður? Þessar aðgerðir trukkamann hafa eitthvað farið illa í Geir og Ingibjörgu og svo mætir lögreglan í fullum skrúða við minnsta tilefni. Það var alveg ljóst að lögreglan fór þangað uppeftir til að berja á mönnum, það er alveg kristal tært í mínum huga.

[Halla Sigríður Bjarnadóttir, 24.4.2008 kl. 12:19]

Auðvitað eru tvær hliðar á öllum málum, þessu líka.  Ég viðurkenni það fullkomnlega að ég hef ekki fullkomna vitneskju fyrir forsendum lögreglu, né bílstjóra en ég tek alla vega ekki mark á því að lögreglan eigi ein sökina, það þarf alltaf tvo til.